Сёння ў Лагойскім гісторыка-краязнаўчым музеі імя Канстанціна і Яўстафія Тышкевічаў прайшло прафарыентацыйнае мерапрыемства “шлях у прафесію”, якое наведалі навучэнцы педагагічнага класа ДУА “Гімназія горада Лагойска”. Дырэктар музея Святлана Гамеза пазнаёміла адзінаццацікласнікаў з нядаўна адкрытай пастаяннай экспазіцыяй” Музей у музеі”, а таксама распавяла аб прафесіі музейнага работніка, магчымасці атрымання спецыяльнай адукацыі шляхам паступлення ў вышэйшыя навучальныя ўстановы, у тым ліку, і на ўмовах мэтавай падрыхтоўкі.