Успрымаю лялек, як людзей,
Што, як і мы, смяюцца і сумуюць.
Ім таксама вечна няма чаго надзець,
Іх нешта весяліць і засмучае.
Ім так патрэбныя клопат і любоў,
І-каб у рукі бралі іх часцей.
Хай услых яны не прамаўляюць слоў,
Але як і людзі, лялькі таксама вераць у шчасце…

Сёння, 19 сакавіка, у Лагойскім гісторыка-краязнаўчым музеі адбылося ўрачыстае адкрыццё выставы аўтарскіх лялек Кацярыны Тарасенкі “квіток у казку”. У мерапрыемстве прынялі ўдзел хлопцы-трэцякласнікі з Лагойскай сярэдняй школы № 1 і ўсе зацікаўленыя лагойчане. ..Чытаць далей..

У Лагойскім гісторыка – краязнаўчым музеі імя Канстанціна і Яўстафія Тышкевічаў праходзіць Тыдзень памяці трагедыі Хатыні-сімвала ўсіх спаленых вёсак у гады Вялікай Айчыннай вайны. Кожны дзень, пачынаючы з 17 сакавіка, навучэнцы ДУА “Сярэдняя школа 1 г.Лагойска” наведваюць Музейны ўрок памяці “Хатынь – вёска, якой няма…”, дзе супрацоўнікі музея нагадваюць хлопцам пра гісторыю Хатынскай трагедыі, распавядаюць пра тое вялікае гора і жаху, якія прынесла савецкаму народу вайна. Напрыканцы мерапрыемства навучэнцам быў прадэманстраваны тэматычны відэаролік, у якім распавядаецца пра факты генацыду беларускага народа ў гады Вялікай Айчыннай вайны.

13 сакавіка, напярэдадні святкавання Дня праваслаўнай кнігі, у Лагойскім гісторыка-краязнаўчым музеі прайшоў урок духоўнасці “дарогамі дабра і веры”.У мерапрыемстве прынялі ўдзел благачынны Лагойскай царкоўнай акругі протаіерэй Аляксандр Зімніцкі, клірык іерэй Аляксандр Тарасевіч і навучэнцы 9 “г” класа ДУА “Сярэдняя школа №1 г.Лагойска”. ..Чытаць далей..

..Чытаць далей..

Сёння ў Лагойскім гісторыка-краязнаўчым музеі імя Канстанціна і Яўстафія Тышкевічаў прайшло прафарыентацыйнае мерапрыемства “шлях у прафесію”, якое наведалі навучэнцы педагагічнага класа ДУА “Гімназія горада Лагойска”. Дырэктар музея Святлана Гамеза пазнаёміла адзінаццацікласнікаў з нядаўна адкрытай пастаяннай экспазіцыяй” Музей у музеі”, а таксама распавяла аб прафесіі музейнага работніка, магчымасці атрымання спецыяльнай адукацыі шляхам паступлення ў вышэйшыя навучальныя ўстановы, у тым ліку, і на ўмовах мэтавай падрыхтоўкі.